|
Aduniad Souled Out 2007
Dechreuodd y Flwyddyn Newydd mewn ffordd
cyffroes iawn gyda dros ugain o bobl ifanc yn
dod at ei gilydd i Aduniad Souled Out. Thema’r
penwythnos oedd ‘Rhyfeddol!’ ac fe gawsom ni
amser arbennig iawn yn edrych ar pa mor
rhyfeddol yw Duw a sut y dylai hyn effeithio ein
bywyd. Ar y nos Wener edrychom ar fywyd Iesu ar
y ddaear, gan weld sut y bu i’w weithredoedd a’u
weinidogaeth ryfeddu cymaint o’r rhai a ddaeth o
bell ac agos i’w gyfarfod. Mae hyn i’w weld trwy
gydol bywyd a marwolaeth Iesu, ond y peth mwyaf
rhyfeddol o’r cyfan oedd y ffaith iddo atgyfodi
o’r bedd! Edrychwyd ar effaith hyn ar y
disgyblion ac arnom ni heddiw, a cafwyd
tystiolaeth gan rai o’r ffordd yr oedd Duw wedi
eu rhyfeddu yn ddiweddar, yn ogystal a chyfle i
drafod mewn gwrpiau.
Ar y dydd Sadwrn ymunodd Arfon Jones i siarad
gyda ni. Yn ystod y bore roeddem yn edrych ar
ddigwyddiadau yn yr Hen Destament lle anfonodd
Duw ei dân fel ffordd o ddatguddio ei ogoniant
i’r Israeliaid, a hwythau yn ymateb trwy ei
foli. Heriodd ni i gadw’r tân i losgi yn ein
bywydau (Leviticus 6:13) gan edrych ar sut oedd
gwneud hyn yn ymarferol.
Fe gawsom amser braf iawn yn y ganolfan handden
yn chwarae hoci a pel-droed yn y prynhawn. Roedd
yna ddigon o gyfle hefyd i ymlacio, i ddal fynny
gyda hen ffrindiau a dod i nabod eraill yn well.
Yn y nos, parhaodd Arfon Jones gyda’r thema o
gadw’r tan i losgi, gan edrych ar esiampl yr
Eglwys Fore yn Actau. Canolbwyntiodd ar yr angen
i ddarllen y Beibl, cael cymdeithas Gristnogol
gyda’n gilydd, torri’r bara a dod at ein gilydd
i weddio.
Y thema ar fore Sul oedd Cenhadaeth: sef cymryd
y pethau rhyfeddol am Dduw a’i rannu gyda’r rhai
sydd angen ei glywed, mewn gair a gweithred! Pan
rydym yn clywed newyddion, rydym eisiau ei rannu
gyda pawb i ni’n ei gyfarfod, a dyna’r beth y
camsom ein herio i wneud gyda’r newyddion da am
Iesu Grist..
Roedd y penwythnos cyfan yn brofiad anhygoel, ac
yn gyfle i gael profi Duw ar waith ym mywydau
cymaint o bobl ifanc. Penwythnos o anogaeth a
her, mawl ac addoliad, hwyl a chymdeithas.
Rhiân Barrett
 |
 |
|
|
|
|
