|
Pwy Fuodd Yma?
Yn ystod mis
Ionawr rydym wedi cael amryw o gyrsiau plant a
Ieuenctid. Dechreuodd y flwyddyn gyda’g aduniad
y Cwrs Hyfforddi Ieuenctid a gallwch ddarllen
mwy am yr hyn ddigwyddodd yno ar y dudalen
‘Hyfforddi Ieuenctid’.
Yna fe ddaeth criw o blant o Cerrigydridion a’r
cylch i’r Coleg am y tro cyntaf. Roeddent yn
griw bywiog iawn ac yn amlwg wedi cael tipyn o
hwyl wrth i Nia a Meryl eu harwain.
Cafwyd ymateb da unwaith eto eleni i benwythnos
Dyffryn Clwyd a Llanberis, gyda’r Coleg yn
orlawn o blant. Roedd yna 52 i gyd yn cynnwys
plant ac arweinwyr o Llanberis, Prestatyn,
Rhuthin, Llanefydd a Llansannan. Gwnaeth y plant
fwynhau sesiynau bywiog o dan ofal Gwyn
Rhydderch ac roedd Meryl yno hefyd i gadw trefn,
yn enwedig wrth drio cael y plant i gysgu!
Yna penwythnos diwethaf ar ddechrau Chwefror
roedd Siôn a Becca yn gyfrifol am y Cwrs
Ieuenctid Cymraeg, a daeth Rhun a Oliver atom
hefyd i gynorthwyo gyda’r arwain. Roedd yna 26 o
Ieuenctid wedi dod, rhai yn dod am y tro cyntaf
ac eraill wedi bod yn dod i’r Coleg am
flynyddoedd. Cawsom benwythnos yn llawn o
weithgareddau a sialensau gan fod y cwrs wedi ei
selio ar ‘I’m a Celebrity Get Me Out of Here’ ac
yn edrych ar hanes yr Isreiliaid yn dod allan
o’r anialwch i mewn i wlad Canaan.
Dyma rhai luniau o’r cyrsiau:
|
