|
Pwy Fuodd Yma,
Ionawr a Chwefror 2007
26ain – 28ain Ionawr: Plant Dyffryn Clwyd a
Llanberis
“Antur Amser” oedd thema y
penwythnos llawn hwyl yma gyda phlant o Dyffryn
Clwyd a Llanberis. Ar y nos Wener, mi wnaethom
deithio’n ôl mewn amser i ddysgu am Joseff a’r
drygioni a wnaeth yng Nghannan a’r Aifft. Trwy
gydol y cwrs, roedd y timau yn gorfod gwynebu
ambell i her er mwyn sgorio pwyntiau i’w tîm.
Cawsom hefyd y pleser o gyfarfod Cadwaladr y
Camel, oedd yn talu ymweliad â ni yma yn y y
Coleg, er mwyn ceisio ein helpu i ddysgu am
Joseff.
Bore Sadwrn, mi wnaethom barhau gyda stori
Joseff a hefyd dysgu caneuon newydd. Roedd rhai
cyfleoedd trawiadol wrth geisio sialens y cwpan
pyramid, dwi’n siwr roedd mwy o hwyl yn ei gael
wrth eu taro i lawr na’u codi i fyny! Ymhellach
ymlaen yn y bore, mi wnaethom gyfarfod Cadwaladr
unwaith eto a’i broblemau poeri, a dywedodd mwy
wrthym am Joseff a rhoi prawf i ni gyd gyda’i
cwis camel.
Rhiân Barret
|
