|
Ysgol Sul / Clwb y Mis Mehefin 2006
Ysgol Sul Parc
Er mai bach yw'n ein Ysgol Sul, mae'n Ysgol Sul
fywiog iawn. Cynhelir Ysgol Sul drwy'r flwyddyn
yn y bore rhan amlaf, ond weithiau byddwn yn
cyfarfod yn y pnawn. Mae ystod oed y mynychwyr
yn eang yr ieuengaf yn ddwyflwydd a hanner a'r
hynaf wel dwi ddim yn mynd i ddweud rhag ofn
pechu yn erbyn rhywun.
Mae yna bedwar dosbarth, sef dosbarth y plant o
2½- 11 oed, dosbarth ieuenctid, dosbarth yr
oedolion ifanc a dosbarth yr oedolion hyn. Bydd
oddetu dau ddeg pump yn mynychu'r Ysgol Sul bob
dydd Sul.
Yn yr Ysgol Sul rydym yn cael cyfle i wneud
gwahanol bethau, cynhaliwyd noson i godi arian
at Tsunami pryd roedd y plant hynaf yn cael eu
noddi i fod yn ddistaw am awr tra roedd y plant
iau yn arddurno bisgedi yn barod i'w bwyta hefo
paned ar ddiwedd y noson. Codwyd £400 tuag at yr
apêl. Bob blwyddyn bellach mae criw o ieuenctid
o'r Almaen sydd yn aros yn Coleg y Bala yn ymuno
â ni mewn gwasanaeth ar fore Sul a bydd cyfle i
bawb gymdeithasu a'i gilydd ar y diwedd y
gwasanaeth.
Ar y dydd Sul cyn y Nadolig dechreuir y
gwasanaeth gyda perfformiad o ddrama fach gan
blant yr Ysgol Sul, yna bydd pawb yn ymuno i
ganu Carolau a gorffennir gyda phaned a mins pei
i bawb. Y plant fydd yng ngofal y gwasanaeth
bach i gloi'r Ysgol Sul ar ddydd Sul y Pasg
hefyd, a chyn mynd adre bydd y plant yn rhannu
wyau pasg i'r gynulleidfa, cyn derbyn rhai eu
hunain.
Roedd yn arferiad yn Parc hyd yn ddiweddar i
Wasanaeth fore y Nadolig gael ei gynnal mewn
beudy ar gyrion y pentre, ac roedd yna naws
arbennig iawn yno, byddem yn clywed ambell i
brefiad ac roedd yn gwneud i ni feddwl am
enedigaeth Iesu Grist yn y stabl. Byddai y plant
bob amser yn dod ag un o'u hanrhegion Sion Corn
hefo nhw i ddangos hefyd. Bellach yn y capel
rydym yn cael y gwasanaeth
Gan fod ein Gofalaeth ni yn cynnwys 6 eglwys
bydd ein Gweinidog, Parch Cath Williams yn
trefnu gweithgareddau i'r plant a gwasanaethau
i'r teulu ar y cyd ar amser arbennig o'r
flwyddyn. Yn ogystal bydd Clybiau Gwyliau yn
cael ei cynnal yn ystod gwyliau'r ysgol, hefyd
yn ystod yr haf rydym yn cynnal diwrnod o
chwaraeon a baberciw. Mae'r plant wrth ei bodd
yn dod at ei gilydd i gymeryd rhan yn y gwahanol
weithgareddau.
|
